Legal Services Day Rally buatsaih

Nimin November 9 kha Legal Services Day a ni a, he ni pual hian Mizoram State Legal Services Authority (MSLSA) leh Aizawl Thunder chuan Aizawlah rally an huaihawt a, Gauhati High Court judge Justice Nelson Sailo-in a hmanpui.

Legal Services Day Rally-ah hian Aizawl Thunder member eng emaw zat chu bike-in an tlan kual a; Sikulpuikawn, Vaivakawn leh Zarkawtah te dan leh hrai inzirtirna lehkhabu an sem a ni.

Gauhati High Court Aizawl Bench tualah Legal Services Day Rally hawnna inkhawm hman a ni a; Justice Nelson Sailo chuan, dan lama harsatna neite'n MSLSA leh district tina Legal Services Authority-te an pan theih thu sawiin, a thlawna ukil ruai duh leh mamawh an awm phawt chuan pan hreh lo turin a chah. MSLSA member secretary Vincent Lalrokima'n chuan Legal Services Authority hnathawh tlangpui a sawifiah bawk.