Ropuiliani Tribal Freedom Fighters Museum

11th November, 2026

Ropuiliani Tribal Freedom Fighters Museum, Kelsih chu November 15, 2026, Pathianni khian Prime Minister Narendra Modi-a'n online-in a hawng dawn a; hawnna atana pawimawhte November 9, Thawhṭanni khan Mizoram sorkar hotute'n an sawiho. Inbuatsaihna kal zelah Museum hi nimin khan Governor Gen. VK Singh chuan a hmunah a enfiah bawk.

November 15 hi Janjatiya Gaurav Divas vawi rukna leh Bhagwan Birsa Munda pian champha vawi 151-na a nih avangin Prime Minister-in India rama project pawimawhte a rualin online-in a hawng dawn a; a hawn tur zingah Ministry of Tribal Affairs sum hmanga sak Ropuiliani Tribal Freedom Fighters Museum a tel. Museum, open air theatre, traditional hut, heritage walk, Birsa Munda Tribal Pride Garden, cafeteria, quarters leh thil dangte a awm a ni.