Annual Art Exhibition buatsaih ṭan

Information and Public Relatoins, Printing & Stationery department leh Mizoram Art Development Society chuan nimin khan IPR Lianchhiari Rûnah Annual Art Exhibition an buatsaih ṭan a, IPR director Mina Zoliani Joute-in a hawng.

Exhibition-ah hian lemziak thiam mi 75-te kutchhuak 101 pho chhuah a ni a, acrylic painting 82, water colour 12, mixed media pathum, charchoal painting pathum leh oil painting pakhat a ni. November 13, 2026 thleng mipui tlawh theiha hawn a ni ang.

Mina Zoliani Joute chuan, Mizo artist-te chu khawvel hmaa Mizo hnam ziarâng pho langa vawng himtu pawimawh an nih thu a sawi a; ṭhangtharte zingah art lam ngaihven an awm thar zel chu lawmawm a tih thu sawiin, hmasawn zel turin a duhsakna a hlan.

Annual Art Exhibition pual hian hlawm thumin lemziak intihsiak buatsaih a ni a; pakhatnate chu - open category-ah Zomuanpuia, Lawipu, high school category-ah PC Malsawmtluanga, Living Water School leh, middle school category-ah R Lalruatfela, Pine Crest Academy te an ni.