Aizawlin khawpui fai lawmman a dawng

Swachh Bharat Mission hnuaia India ram khawpui fai endikna, Swachh Survekshan 2025-26 ah Aizawl chuan 'State First Swachh City of Mizoram Award' a dawng. Award hi President Droupadi Murmu chuan nimin khan Vigyan Bhawan, New Delhi-ah Aizawl mayor H Lalremtluanga leh UDPA department hotute hnenah a hlan.

Swachh Bharat Mission hnuaiah kum 2016 aṭangin Ministry of Housing & Urban Affairs hmalaknain India rama khawpui fai endikna Swachh Survekshan ṭan a ni a; endiknaah India ram khawpuite chu tehfung chi hrang hrang hmanga tehin, lawmman dawng turte thlan ṭhin a ni.