Ruihhlo chungchanga debate buatsaih

Nasha Mukt Bharat Abhiyan (NMBA) hnuaiah nimin khan Lawngtlai Bawrhsap conference hall-ah 'Ṭhangtharte zinga ruihhlo hluar zel chhan hi chhungkuaa zirtirna tlakchham vang a ni' tih thupui hmangin Debate Competition buatsaih a ni a, Lawngtlai SP Dheeraj Dwarka-a'n a hmanpui.

Debate Competi-tion-ah hian ṬKP, LIKBKṬP, KṬP leh PYD (NEI) aṭangin aiawhte an tel a; best bebator atan Lalhruaizela, KṬP thlan a ni a, Christy Lalthlamuani, ṬKP chu best Mover niin, best opposer atan Kenneth Lalhruaitluanga, LIKBKṬP thlan a ni. Thiam bera thlante hian lawmmanah pawisa leh momento an dawng.

Lawngtlai SP chuan, NMBA chu ruihhlo dona leh a ṭhat lohzia inzirtirna a nih thu sawiin, "Miin 'Ka hria' an tih hian hriat loh chin tam tak an nei a, an hriat tak tak leh tak tak loh fiahna ṭha tak chu debate competition a ni a, debate hian rah ṭha a chhuah ngei ka beisei," a ti a; mimal, sorkar, NGO leh kohhran ten ruihhlo hluar chhan te, ruihhlo donaa tih tur leh mawhphurhna an neihte sawihona ṭha tak buatsaih fo ṭha a tih thu a sawi.