PPP mode-in sikul kalpui dawn

Nimin khan Mizoram Education Reforms Committee (MERC) chu Education conference hall-ah an chairman, Education minister Dr Vanlalthlana hoin an ṭhukhawm a, public private partnership (PPP) mode-a sikul kalpui ṭan an rel.

Ṭhutkhawma tarlan a nih danin, sorkar leh kohhrante thawhhona aṭanga sikul enkawl dan tur PPP rawtna tih hlawhtlin nan district tinah PPP mode sikul pakhat tal pilot project-a kalpui turin sikul thlan ni se an ti.Draft Mizoram Education Service (MEdS) Rules, 2026 chu siam rem ngaite siam remin Education leh Higher & Technical Education department-teservice hrang nei se an ti a, hun remchang hmasa berah concerned service association-te thlirpui an rel.

Transfer and Posting of School Teachers Rules, 2026 pawh hman theih tura ruahman a ni ta a, hun rei lo teah zirtirtu insawn dilte pawh sorkarin kaihhruaina thar a siam leh he dan thar hnuaiah hian ngaihtuah a ni dawn. Mizoram zirna lama hmasawn zel nan Central Board of Secondary Education (CBSE) syllabus zawm tura CBSE affiliation dil turin sikul ṭhenkhat ngen ni se, senso ngai awm chu sawrkarin tum sak dan ngaihtuah se, an ti.