
New Market vela sumdawng zingah voter ID nei lo 26 hmu
Dawrpui Local Council leh YMA ṭang dun chuan November 14, Inrinni khan an veng chhunga New Market leh Zion Street-a thil zuara kal kual ṭhinte an ko khawm a, dan loa sumdawng an hmu chhuak nual.
Dawrpui LC leh YMA te hian mi 50 an ko khawm a, chung zingah chuan India rama voter identity card nei lo mi 26 an awm a, mi 24-in voter ID an nei thung. Voter ID nei lo mi 26-te hian Mizorama sumdawn phalna an nei lo bawk.
Aizawl bazarah khua leh tui tam tak hmun chang lo an awm laiia khua leh tui ni lo tam takin bazar hmun an luah chu ṭha lo an tih thu Dawrpui khawtlang hruaitute chuan an sawi a, a ṭul anga hmalak zel an tum tih an tarlang.