Sorkar kar chet dan ṭha ber chu mahni theih tâwk tih ve a ni - Speaker

Assembly speaker Lalbiakzama chuan November 14, Inrinni khan a bial Chalfilh chhunga Khawruh-lianah Volleyball League Final a hmanpui a; sorkar kar chet dan ṭha ber chu mahni theih tâwk lo tih ve phawt a nih thu a sawi.

Lalbiakzama chuan, mi tinin ngaihhlut zawng leh rílrem zawng an nei tih a sawi a, "Khaw tam tak chu kutdawh khua emaw tih mai tur, mahni tih theih reng pawh sorkar tih tura dah tlat an awm ṭhin. Sorkar kar chêt dan dik leh ṭha chu kan theih tawk lo tih ve phawt hi a ni a, chu chu kan party ngaihdan a ni a, a taka hma latute khaichhuak turin sorkarin Bána Kaih policy a kalpui a ni," a ti.

Khawruhlian khuain Mualkir rama balhla cluster leh Kalvari Tlang chhuah lam kawnga hma an lak dante fakawm a tih thu sawiin Speaker chuan, "Hmasawnna kawnga khawtlang ṭanrualna hi hmuh hmaih theih loh khawpa langsar a ni. Ruihhlo donaa YMA-te hmalakna a chhuanawm," a ti a; a bial khaw tina upate inawm tleina tur upa in sak tura a tiam tawh chu bul ṭan turin an inpeih thawkhat tawh thu leh Khawruhlianah upa in pahnih sak a nih tur thu a sawi.