
Aizawla hmun 14-ah police 75 duty
Aizawl SP hmalaknain Aizawl khawpui chhungah dan leh thupek kenkawhna leh mipuite himna atan November 14, Inrinni zan khan Intensive Patrolling leh Naka Checking ngawrh taka neih a ni.
He hmalakna atan hian Aizawl tuam chhuakin police station pali - Aizawl PS, Bawngkawn PS, Kulikawn PS leh Vaivakawn PS aṭangin hmun pawimawh hrang hrangah, Foot & Mobile Patrolling duty point pariat leh Naka Checking point paruk,a vaiin duty point 14-ah police 75 dah a ni.
Police lirthei hmangin khawpui hmun hrang hrangah mobile patrolling neih a ni bawk a, Aizawl chhuahka hmun pathumah police uifing (canine squad)-te nen Naka Checking ngawrh taka neih a ni.
Intensive Patrolling leh Naka Checking hi mipui himna atan te, ruihhlo leh dan bawhchhiatna hrang hrang venna atan leh lirthei enfiah nan ruahman a ni a; dan bawhchhia mi eng emaw zat chu man niin, PR bond pek an ni. Naka Checking Point-ah ram dang meizial Oris báwm (carton) 3,599 man a ni bawk.
Aizawl District Police chuan, Aizawla chengte chu police hmalakna ṭawiawma, dan zâwm ṭheuh tur leh thil rinhlelhawm emaw, dan bawhchhiatna emaw an hmuh leh hriat chuan rang taka police hnena hriattir zel turin an ngen.