
Mamitah Children's Day hmang
November 14, Inrinni kha Children's Day (Naupangte Ní) a ni a, mamitah chuan District Child Protection Women & Child Development Office huaihawtin Mang-khawngdai Field-ah bawrhsap Suvigya S Chandra hoin hlim taka hman a ni.
Children's Day hmannaah hian naupang infiamna tur chi hrang hrang dah a ni a, Mamita naupang ṭhahnem tak an tel. DCPO Laltlanmawii'n a kaihruai a, Children's Day puala auhla inphuahsiak (slogan writing competition) lawmman sem a ni.
Suvigya S Chandra chuan, Children's Day hmang tura kal khawm naupangte leh nu leh pate chu hlim taka hmang tura duhsakna a hlan a; naupangte chu nu leh pa leh zirtirtute thu awih tura chahin, "Ram leh hnam tana hman tlak ni tura ṭhang lian tur chuan thuawihna a pawimawh hmasa ber a ni," a ti.