
Florist Association-in Rising Day hmang

Mizoram Florist Association (MFA) chuan nimin khan Dawrpui Multipurpose Hall-ah an din champha vawi 29-na an hmang a; rising day pual hian pangpar khawi dan leh bouquet siam dan zirhona an buatsaih.
Rising Day puala inkhawm hi MFA president Lalnuntluangi'n a kaihruai a, general secretary Rk Vanlalchhuangi'n an pawl hmalak tawhna leh hmachhawpte a tarlang. A duh apiang tana thusawina hun hawn a ni a, chawhnuah pangpar khawi dan leh bouquet siam dan an zirho a ni.
MFA hian Mizoramah branch 27 leh member 1,000 chuang a nei mek a; Nghalchawmah buh ṭin 20 hmuna zau huan neiin, pangpar chi hrang hrangte chîngin an enkawl mek. Lengpui Airport leh Aizawl Dawhrem chei hna thawkin an enkawl mek bawk.
Mizoram Florist Asso-ciation hian November 24-28, 2026 chhungin Aijal Club Park-ah Winter Fair cum Flower Show an buatsaih leh dawn a ni.