Zangnadawmna phûtin KMMTTP dang

KMMTTP Lawngtlai District Land Owners' Association chuan zangnadawmna pek phûtin nimin khan Kaladan Multi Modal Transit Transport Project kawngpui an dang ṭan. Kawng danna hmun hi Lawngtlai bawrhsap Donny Lalruatsanga chuan nimin khan tlawhin, kawng dangtute a kâwm.

Donny Lalruatsanga chuan, KMMTTP kawngpuia mimal ram nei mi 138 tan sorkarin theihtawp a chhuah reng thu sawiin, "MoRTH-ah DPR thehluh tawh a ni a, Gauhati High Court-a case kal mek a nih angin cross affidavit siama Additional Advocate General-in a dinpui dawn a, High Court thuchhuak nghah phawt a ṭha," a ti a, mipui tana harsatna siam lo zawnga hma la turin a ngen.

Bawrhsap hi ram neitu pawl hruaitute'n lo dawngsawngin, an harsatna chinfel tuma Bawrhsapin theihtawp a chhuah chu lawmawm an tih thu an sawi a; High Court-a thubuai a luh tawh avangin an kal zel dan tur a hma lama ngaihtuah ni se an ti.