Local Development Committee ṭhu

Aizawl North-III bialtu MLA K Sapdanga, minister chuan nimin khan a pisaah a bial chhunga Chanmari leh Chanmari West Local Development Committee-te a hran ve vein a ṭhutkhawmpui.

K Sapdanga huan, Local Development Committee din a nih chhan leh an mawphurhnate a sawifiah a, member-te chu ṭhahnemngai taka an veng hmasawnna atan thawhpuiah a sáwm. Veng pahniha MLA fund hmanga hnathawh tur leh hmachhawpte sawiho a ni.

Local Development Committee-ah hian local council aiawh, tlawmngai pawlte aiawh, political party-te aiawh leh khawtlanga mi langsar (prominent citizen)-te an tel a; MLA fund a awm apiangin Committee kaltlang hian veng chhunga hna thawh tur an ruahman zel dawn a ni.