Cabinet-in sorkar hnathawk DA tipung; Police officer-te ardali kawl theih zat titlem

Mizoram Council of Ministers chu nimin khan Chief Minister's Office-a Cabinet Room-ah an ṭhukhawm a, chief minister Lalduhoma'n a kaihruai. Sorkar hnathawk dearness allowance (DA) tihpun an remti a, police officer-te'n an in/quarters-a ardali (orderly - attendant) an kawl theih zat tihtlem an rêl bawk.

Council of Minister chuan, sorkar hnathawkte DA chu 46% aṭangin 50%-ah tihpun an remti a, contract employee-te DA pawh 10% aṭangin 20%-ah tihpun an remti bawk a; DA pung hi December 1, 2026-ah hman ṭan tura tih a ni.

Home department aṭanga lut, 'Proposal for amendment of Para 899 of the Mizoram Police Manual, 2005 – Reduction of Attendants allowed to Police Officers' chu sawiho a nih hnuah pawm a ni a; hei hi police officer-te'n ardali an kawl zat tihtlemna tur niin, ardali kawl theih zat chu pakhat zelin tihtlem tura tih a ni.