
LMC Vice Chairman thar Zorinsanga Hmar
Lunglei Municipal Council (LMC) vice chairman atan nimin khan Ward-IX councillor Zorinsanga Hmar lak luh a ni a, executive councillor atan Ward-VI councillor R Lalremsiama lak luh a ni bawk.
Lak luh inkhawm hi Lunglei Convention Centre-a LMC BoC Hall-ah buatsaih a ni a, LMC chief executive officer HD Lalpekmawia'n a kaihruai. CEO-in LMC vice chairman leh executive councillor ruatna lehkha a chhiar chhuah hnuah Lunglei additional district magistrate Rochuangkimi Khenglawt-in rinawmna thu tiamtirin a la lut a ni.
LMC chairman Lalzuithanga chuan, LMC vice chairman K Lalrin-awma'n party-ah mawhphurhna pawimawh dang a chelh a ngaih avangin LMC Executive Council insiam rem ngai a nih thu a sawi a; Vice Chairman leh Executive Councillor tharte chu LMC councillor-te'n inpawh taka an sawi ho hnua lung rual taka an pawm tlan a nih thu sawiin, an mawhphurhnate ṭha taka an hlen chhuah turin duhsakna a hlan.
Lak luh inkhawmah hian LMC councillor te, political party hruaitute leh an chhungte an tel.
LMC sorkar a din tirh aṭanga vice chairman K Lalrinawma November 2, 2026 khan LMC Chairman hnenah bànna a thehlut a; LMC chairman Lalzuithanga chuan November 16, 2026 khan vice chairman thar atan Zorinsanga Hmar leh executive councillor thar atan R Lalremsiama te a ruat a ni.