Capping & Lamp Lighting hmang

ANM School, Mamit chuan nimin khan an auditorium-ah Capping and Lamp Lighting vawi 6-na an hmang a, zirlai thar 20-te thu tiamtira lak luh an ni.

Inkhawmah hian Mamit District Hospital-a nursing superintendent Remsangzuali kaihhruaiin zirlai tharte'n bati an chhi a, nurse thutiam an sawi rual a; khuallian Lalchhanhima, Mamit additional DC-in ANM School, Mamit zirlai chhuak zinga ti ṭha zualte hnenah lawmpuina thuziak a hlan.

Mamit ANM School principal Annette Lalruatpuii Hnamte tarlan danin, ANM School, Mamit hi academic sesison 2020-21 khan ṭan a ni a, tunah hian thawktu 12-in an enkawl mek. An zirlai zingah Mizoram Nursing Council hnuaia exam-ah top 10-a lang an awm ṭhin thu leh kumin 2026 result chhuakah topper an neih thu te, an sikul aṭanga zir chhuak zingah India ram páwn thlenga thawk an awm tawh thu an tarlang.