CM-in Aizawl South I tlawh:

Nimin zing khan chief minister Zoramthanga'n Republic Veng, College Veng, Bethlehem leh Bethlehem Vengthlang tlawhin khawtlang hmasawnna ruhrel siamna tur rawtna awmte a enfiah. Chief Minister chuan Aizawl South-I bial aṭanga Aizawl khawpui chhung kawngpui, main spine pawhna kalkawng siam chu a ngaihpawimawh thu sawiin, "Zokhawsanga Assam Rifles an insuan theih veleh hma lak ṭan theih a ni ang. Covid-19 avangin beisei anga AR-te an insawn chhuak lawk thei loa, boruak a ziaawm chhoh zel chuan hmalakna dang hrang hrang pawh chak zawka lak thuai a ni ang," a ti. CM hi Sports minister Robert Romawia Royte, Sports secretary H Lalengmawia, AH & Vety secretary Lalzarmawii leh official dangte'n an ṭawiawm.