Central YMA hruaitute leh Telecom service hotute inkâwm

Central YMA hruai­tute chu nimin khan CYMA Office-ah telecom service provider - BSNL, Airtel, Vodafone leh Jio hotute nen an inkâwm a; Mizoramah inbiakpawhna ṭha a awm theih dan tur leh zirlaite zirna virtual-a kalpui mek chu awmze nei leh rintlak zawka a kal theih nan thawhho dan tur an sawiho.

CYMA hruaitute chuan, chak zawk leh rang taka thu, inbiakpawhna leh thlalak inthawn zung zung a nih theih nan kawng dunga optical fibre zamte venhim kawng­ah ṭan la turin service provider hotute an ngen a; Mizoram mipui leh hmasawnna hna thawktute pawh inbiakpawhna hmanruate dimdâwi turin an ngen bawk.