Darzo Living Springshed Groundwater Recharge Project Phase-I zawh a ni

Darzo Living Springshed Groundwater Recharge Project Phase-I chu nimin khan zawh a ni. He project atan hian Bharat Forge-in a sum an tum a, Confederation of Indian Industry (CII) kaltlangin CII Foundation leh Young Indians (YI) Mizoram Chapter ten an buaipui.

Darzo Living Springshed Ground­water Recharge Project hi tuihna tihpunna tura hmalakna a ni a, Mizoram hmun hrang hranga tui harsatna thleng mekte an zir chian hnuah CII leh YI te chuan hma an la a ni.

Bharat Forge vice president Dr Leena Deshpande chuan, Project Phase-I hlawhtling taka zawh a ni chu lawmawm an tih thu sawiin, "CII, CII Foundation leh Young Indians te hmalakna a fakawm hle a ni," a ti.

Dr Leena Deshpande leh a thawpuite hi CII Mizoram leh CII Foundation leh YI Mizoram Chapter hruaitute'n an ṭawiawm a; project hmanga hmalaknate en kual a nih bakah, VC member-te leh khawtlang hruaitute nen VC House-ah project chungchang leh roadmap inhrilhfiah

a ni.