Children's Science Congress ṭan

Science Teachers Association of Mizoram (STAM) chuan nimin khan Science Centre Auditorium, Berawtlangah National Children's Science Congress vawi 32-na an buatsaih ṭan a, vawiinah chhunzawma zawh a ni ang.

State level Children's Science Congress-ah hian Mizoram district hrang hrang aṭangin child scientist-te telin, an thil zir bing project 44 hmangin an intihsiak a, vawiin hian a khàrna inkhawm hman a ni dawn.

Nimina Children's Science Congress hawnna inkhawm chu School Education director Angela Zothanpuii'n a hmanpui a; India ram pum huapa lang phak khawp an nih theih nan nasa lehzuala lehkha zir turin child scientist-te a fuih.

STAM chuan kum 1993 aṭanga khan kum tin Children's Science Congress an buatsaih a, a ti ṭha zualte chu India ram pum huap inelnaah an tel dawn a ni.