Sangaua lei tlahniam tuartute sawn chhuah dan tur rêl a ni

Lawngtlai District Commitee on Relocation of Affected Families in Sinking Area, Sangau-IV chuan nimin khan an chairman Donny Lalruatsanga, district bawrhsap kaihhruaiin Sangau-IV lei tlahniamin a nghawng chhungkuate sawn chhuah dan tur an rel.

Ṭhutkhawmah hian, lei tlahniamin a nghawng chhungkuate tan ram mamawh a nih thu an pawm a; LADC Revenue department chu December 226 chhunga ram lo zawnsak tura tih a ni a, insawn duhte hnenah chauh LSC pek an rel. State leh Central sorkarah chhungkaw insawn turte tan ṭanpuina sum leh pai dil ṭha an ti bawk.

Sangau-IV lei tlahniam hi kum 2019 aṭanga inṭan niin, kum 2024 khan a tlahniam nasa zual a, tun thlengin a tlakhniam belh zel. Lei tlahniam huam chinah mimal in 46, anganwadi, biak-in, sorkar quarters leh VC House pakhat ṭheuh a awm a, lei tlahniam vanga harsatna tawkte chu chhungkua 67 an ni.

Ṭhutkhawmah hian adviser to CM Dr Lorrain Lalpekliana Chinzah, Lawngtlai East bialtu MLA, state sorkar leh LADC hnuaia sorkar hruaitute an tel bakah, lei tlahniamin a nghawng chhungkuate an tel bawk.