Faith Bridge-in international award a dawng

Tlawng lui Sihhmui kàia lei (network arch bridge) 'Faith Bridge' tia vuah chu International Association for Bridge and Structural Engineering (IABSE)-in Project and Technology Awards 2026 an semah finalist a ni a, finalist lawmman pek a ni.

IABSE chuan November 13, 2026 khan Zurich, Switzerland-ah Project and Technology Awards 2026 an sem a; Mizoram PWD enkawl mek Faith Bridge chu 'Innovation in Construction' category-ah finalist zingah a tel a, India ram aṭanga finalist-a lang awm chhun a ni. Faith Bridge design-tu Force Structural Engineers hotu Deepak Prajapati chuan finalist award hi Zurich-ah a dawng.

Faith Bridge hi Ministry of Road Transport and Highways aṭanga sum hmuh vbc 43.83 hmangin siam a ni a, Mizoram PWD enkawlna hnuaiah contractor Poddar Infratech Pvt. Ltd, New Delhi-in an dawh. February 17, 2026 khan chief minister Lalduhoma’n a hawng a ni.

Faith Bridge dawhnaah hian, lei dang angin lui chungah siam a ni lo a, lui kamah siam vek a nih hnuah lui chungah nawr/pawh kai a ni.