Serchhip DC hoin hunpui laia himna tur sawiho

Serchhip district bawrhsap Paul L Khuma kaihhruaiin nimin khan sorkar leh tlawmngai pawl hruaitute'n him leh hlim taka mipuiin Krismas leh kumthar an lawm theih nana hmalak dan tur an sawiho a; buaina chhuahna ṭhin hmunte thlithlaia endik ṭhin an rel.

Ṭhutkhawmah hian, Serchhip chu zone hrang hrangah ṭhenin, buaina chhuah fona hmunte thlithlaia endik ṭhin an rel a; zu leh ruihhlo lak luh tur ven ni se an ti. YMA-te'n veng tinah duty post siamin intlawh chhuah tum a ni a, police-te'n tlawmngai pawl duty-te hnenah dan leh hrai chungchang an hrilhfiah ang.

Lirtheia chetsualna leh thin tiṭhâwng thei thilte a thlen lohna tura invenna kalpui dan turte sawiho a ni a, surprise checking neih zui zel ni se, an ti.