Lunglei khawpui faina sawiho

Lunglei Town Sanitation Task Force Committee chu an chairman V Lalsangliana, Lunglei bawrhsap ni bawk kaihhruaiin nimin khan DC conference hall-ah an ṭhukhawm a, khawpui fai zawk neih dan tur an sawiho.

V Lalsangliana chuan, Lunglei Town Sanitation Task Force chu khawpui faina leh thianghlimnaah thuneihna sang tak nei a nih thu a sawi a, "Lunglei khuain faina kawnga hma a sawn zel theih nan task force member-ten theihtawp kan chhuah a ngai a ni," a ti.

Ṭhutkhawmah hian sorkar official te, YMA, MUP, MHIP, Clean Lunglei, VC association leh Lunglei khawpuia VC aiawhte an tel a; Lungleia khawtlang faina atana hlawh nei loa hma la ṭhin mi pahnih - KT Chhawna, Chanmari leh F Lalsanglura, Rahsi Vengte chu chawimawi nan t-shirt leh pawisa pek a ni.