





Driver-te zu in leh in loh enfiah
Excise & Narcotics department (END) enforcement-te chuan nimin khan Aizawla hmun pathum - Melthum Silaimual, Vaivakawn Zohnuai leh Zemabawk daiah khualzin phur lirthei khalhtute'n zu an in leh in loh an endik. November 18, Nilaini khan Vaivakawn Zohnuaia lirthei an endiknaah zu vangin mi 18 an man bawk.
END enforcement-te hian hmun pathumah hian khualzin phur lirthei khalhtute chu breath analyser hamtirin, zu an in leh in loh an enfiah a; mi eng emaw zat enfiah niin, an endik tam ber chu maxicab khalhtute an ni. November 18, 2026 khan Vaivakawn Zohnuaiah lirthei tlan vel eng emaw zat an enfiah bawk a, lirtheia zu phur/kawl mi 18 an man a ni.
Thu dawn danin, Excise & Narcotics department chuan kumin Krismas vuakvetah khualzinte an him zawk theih nan leh ralmuang taka hunpui hman a nih theih nan zu dap beihpui thlak an rêl a, tunlai hian an bawhzui mek. END hotute chuan, khualzin phur lirthei khalhtute chu lirthei an khalh laia zu in lo tur leh rui lo turin an chah a, ruih theih thil lakah fimkhur turin mi tin an chah bawk.