
Capping and Lamp Lighting hmang
MFM School of Nursing chuan nimin khan Durtlang North-a an hmunah Capping and Lamp Lighting Ceremony an hmang a, minister of state F Rodingliana'n a hmanpui.
Inkhawmah hian Mizoram State Cancer Institute-a nursing superintendent Lalrintluangi'n Auxiliary Nursing and Midwifery (ANM) batch 18-na leh General Nursing and Midwifery (GNM) batch thumnaa zirlai tharte nurse lukhum a khumtir a, zirlaite'n bati chhiin nurse thutiam an sawi.
Khuallian F Rodingliana'n zirlai ti ṭhate hnenah Thanpari Award a hlan a; fuihna thu sawiin, zirlaite chu thawhrimna leh tawrhchhelna nen tluang taka an zirlai zir zo ngei turin duhsakna a hlan.
Principal Christina Zothanpuii tarlan danin, MFM School of Nursing hi kum 2009 khan din a ni a, tunah zirlai 127 leh principal hoin zirtirtu 14 an awm mek. ANM zirnaa bul ṭan niin, batch tinah zirlai 20 an awm a, kumina lut tharte chu batch 18-na an ni. Kum 2024 khan GNM zirna hawn a ni a, batch tinah zirlai 30 zel awmin, zirlai lut tharte chu batch thumna an ni.
MFM School of Nursing aṭang hian mi 341 an inzir chhuak tawh a, Japan-ah thawhpui an neih avangin an zirlai chhuak zinga mi 15 chu Japan-ah an thawk mek. Singapore-a thawk mi 20 an awm bakah, missionary nurse-a chhuak mi 20 chuang an awm bawk.