
Lungleiah Joint Cultural Meet hmang
Art & Culture department chuan nimin khan C Ṭhuamluaia Mual, Lungleiah Joint Cultural Meet an huaihawt a, Art & Culture minister Lalsawivunga'n a hmanpui.
Cultural Meet-ah hian Lungleia Mizo Cultural Organisation, Bru Cultural Troupe, Páng Cultural Troupe, Chakma Cultural Troupe, Gorkha Youth Association, Lai Cultural Troupe, Mara Thyutlia Py leh IMFA ten hnam lâm chi hrang hrang an entir a, zaithiamte'n hnam hla sain mipui an àwi bawk.
C Lalsawivunga chuan, khawvel hmasawn zel karah mahni hnam tih dan leh nunphung vawn nuna inhlan chhawn zel a pawimawh thu a sawi a, "Mahni hnam tih dan kalsan a, inhlan chhawn loh hi hnam ral zia a ni. Kan culture hi kan inpumkhatna lungphûm a ni a, Zo nun ze mawi, tlawmngaihna, aia upa zah, ṭanpui ngaite ṭanpui te hi Mizote hnam nihphung tichiangtu a ni," a ti.