MLA fund hman dan tur sawiho

Edenthar Veng Local Development Committee chu nimin khan chairman, bialtu MLA K Sapdanga, minister hoin a pisaah an ṭhukhawm a, MLA fund hman dan tur an sawiho.

K Sapdanga chuan, Committee din a nih dan leh an mawhphurhna hrang hrang sawiin, member-te chu ṭhahnemngai taka veng hmasawnna atana thawhpuiah a sáwm a, "MLA fund hi langtlang takin veng tana pawimawhahte hman zel ka duh," a ti.

Local Development Committee-ah hian Local Council aiawh, pawl hrang hrang aiawh leh prominent citizen-te an tel a; MLA fund a awm apiangin Committee kaltlangin veng chhunga hna thawh tur ruahman zel tur a ni.