
Reiek H/S Headmistress sawn phûtin Reiek MZP-te'n sikul kai tur an dang

MZP Sub Headquarters, Reiek chuan Reiek High School headmistress P Lalsangpuii sawn phûtin nimin khan Reiek H/S-a zirtirtu leh zirlaite sikul kai tur an dang.
Reiek MZP chuan, P Lalsangpuii transfer order an hmuh mai theih loh avangin sikul kai tur an dan thu an tarlang a, "VC leh joint NGO ten September 28, 2026-a Education Minister hnena Reiek H/S Headmistress transfer tura kan ngenna leh November 18, 2026-a MZP-in Education Minister leh Education Director te hnenah transfer tur leh headmaster thar pe tura ngenna an thehluh leh pawhin kan duh ang chhanna kan hmu thei lo," an ti.
Zirlaite zirnain a tawrh hlau tak chungin Reiek H/S-a kai turte an dan thu sawiin Reiek MZP chuan, "Kan hmalakna kawngah Reiek khawtlang kan ṭangrual a, kan lawm hle," an ti a; an hmalaknain awmzia a neih loh chuan a ṭul anga hmalak zel an tum thu an tarlang.