
Saipum leh Saiphai ramri-ah insiamrem
Kolasib district bawrhsap H Dolianbuaia chuan nimin khan Saipum leh Saiphai inkarah ramri lung (village boundary pillar) a phun a; Saipum Middle School-ah khaw pahnihte ramri inhlanna leh inremna thuthlung ziah a ni.
July 10, 2025 khan Saiphai VC chuan ramri siam rempui turin Saipum Joint VC an ngen a, September 4, 2025 khan Saipum Joint VC, NGO, political party leh khawtlang hruaitute ṭhukhawm chuan ramri siamrem chu ṭha an ti. Chumi bawhzuina kal zelah nimin khan Kolasib DC leh officer-te hriatpuinain Saipum VC-I, Saipum VC-II leh Saiphai VC ten ramri siamremna thuthlung an ziak a ni.