Cheng nuai 200 hû meizial tichhia

February-July, 2026 chhunga Champhai district-a ram dang aṭanga dan loa meizial lak luh thuneitute'n an man, cheng nuai 200 hu chu November 19, Ningani khan Champhaia Legal Metrology pisa tualah tihchhiat a ni.

Champhaia Legal Metrology inspector Felix Lalruatsanga tarlan danin, foreign cigarette tihchhiatte hi báwm 3,07,000 a ni a, tualchhung hralhna anga chhutin Rs 2,00,00,000 man a ni. Meizial tihchhiatnaah hian Legal Metrology-a thawkte bakah, Champhai District Anti-Tobacco Squad member te, Police-te leh Assam Rifles aiawhte an tel a; Controller of Legal Metrology thupek leh District Magistrate hriatpuinaa tihchhiat a ni.