Duhoma'n hnathawh ṭha lo a dem

Serchhip bialtu MLA Lalduhoma chuan, Serchhip khawpuiin KṬP General Conference a thlen tura pandal sak­na chhehvela sorkar hma­laknaah mi ṭhenkhatin hlâwk an tum lutuk avangin hna a ṭha tâwk lo nia sawiin, a dem thu a sawi.

Lalduhoma hian February 15, Inrinni khan ZPM Serchhip Blockṭhalaite intuaitharnaah thu sawiin, mi ṭhenkhatin hlâwk lutuk an tum vanga KṬP General Conference pandal bul hnaia sorkar hnathawhin a tuar chu pawi a tih thu a sawi a, "Ṭha lo leh rei rin ngam loh tura hna an thawk hi ka dem a, Serchhip khawtlang tana a thawhpui mi 

ṭhahnemngaite pawhin a lungawithlak loh an ti hle a ni," a ti.

Serchhipa Interna­tional Paragliding Accu­racy Championship neih a ni leh Organising Committee hmalakna leh inpekna fakawm a tih thu sawiin Lalduhoma chuan, "Khawvel pum intihsiakna tluang leh ṭha taka kan lo dawngsawng thei hi a lawmawm hle a ni," a ti a; chutih laiin, state sorkar lamin engkim buaipuia a kuta awm tura sawi si, engmah tih awm loa association lamin a buaipui leh vek chu ṭha lo a tih thu te, ṭumhmun (landing zone) tur mi leilet ram leina cheng nuai 32 tun thlenga pek a la ni lo chu ṭha lo a tih thute a sawi bawk.