Dâk hnathawkte'n chhan hrang hrang vangin lungawi lohna lantir

All India Postal Em­ployees Union chuan nimin khan India ram pumah lungawi lohna an lantir a; Mizoramah pawh AIPEU Mizoram Divisional Branch-in lungawi lohna an lantir a, Dâkinpui leh dak-in dangte khâr nih bakah, Dakinpui bulah thawktu eng emaw zat an kalkhawm a ni.

AIPEU Mizoram president PC Vanlal­chhuanga chuan zawhna chhangin nawrh huaihawt a nih chhan hrang hrangte a sawi a, "Post office-a thawktu hrang hrang kan indaih lo a, post ruak eng emaw zat a awm a, post ruakte hi hnawhkhah kan phût a ni," a ti a; dâk-ina thawkte Pathianni bâk chawlh an nei lo a, chawlhkar khata hnathawh hun chu ni nga ni ve tawh tura an phût thu a sawi. 

PC Vanlalchhuanga sawi danin, AIPEU nawrh huaihawt chhan zingah - thawktu ṭhenkhat, pension nei ve thei lote chu pension pek ve te, privatisation an duh loh vang te, an medical reimbursement bill ngaihsak a ni lo a, cheng nuai 50 chuang sorkarin a batsak mek pek phûtnate a tel.