Nawrh vangin MRB-te khâr a ni

All India Regional Rural Bank Employees Association (AIRRBEA) chuan nimin khan India ram pumah lungawi lohna an lantir a; Mizoram Rural Bank (MRB) pawhin zawm vein, Mizoram pum­ah MRB branch hrang hrangte an khâr.

AIRRBEA huaihawt lungawi lohna hi January 8-9 chhung neih tura ruahman a ni a, Mizoramah chuan January 8, Thawhlehni khan total bandh huaihawt a nih avangin, an hranpain nawrh huaihawt a ni lo a; niminah erawh chuan Mizoram pumah MRB branch zawng zawng an khâr ta a ni. 

AIRRBEA-in nawrh an huaihawt chhan zing­ah - April 25, 2018-a Su­preme Court order ang Pension parity chinfel te, rural bank-a temporary/casual/ part-time-a thawkte dahngheh te, public sector bank-te mimal kuta hlan an duh loh vang te, recruitment rules leh ham­ṭhatna hrang hrangte leh appoinment scheme/ pro­motuion rualkhai lo chinfel te, a hun taka thawk­tute kaisantir leh thawk­tu thar lakte a tel.