Chini sem leh dan tur sawiho

Food, Civil Supplies & Consumer Affairs (FCSCA) minister K Lalrin­liana hoin nimin khan a pisaah ration chini sem leh dan tur FCSCA department official-te'n an sawiho.

Meeting-ah hian FCSCA secretary HL Rochungnunga chuan, sorkarin chini a sem theihna atana department-in ruahmanna a siamte a sawi a; sorkar laipuiin state-a chini a sem dan tura ruahmanna a neihte a tarlang.

Meeting-a tarlan danin, Mizoramah ration card nei - Antyodaya Anna Yojana (AAY)-ah chhungkua 25,484, Priority Household (PHH)-ah chhungkua 1,21,378 leh, Non National Food Security Act (NFSA)-ah chhungkua 1,20,692 an awm a; a vaiin chhungkaw 1,20,692 an awm a ni.