Office dàwrtute ṭha taka Dawngsawng turin chah

Assembly Secre­tariat-a thawkte chuan nimin khan Assembly Annexe conference hall-ah inhlan tharna hun an hmang a; Assembly speaker Lalrinliana Sailo chuan, office dawrtute ṭha taka dawngsawng ṭhin turin thawktute a chah.

Inhlan tharna in­khawm hi Assembly sec­re­tary SR Zokhuma'n a kaihruai a; Lalrinliana Sailo chuan, Assembly Secretariat chu Speaker ṭhutna a nih avang leh sorkar mi pawimawhte enkawltu an nih avangin hmun pawimawh leh zahawm a nih thu a sawia, "He office-a thawkte pawh thianghlim tak, nun uluk tak, zûk leh hmuam, zu leh ruih theih thil dang lakah pawh an fihlim thei tur a ni," a ti.

Speaker chuan, Assem­bly Secretariat chu sorkar thil hlu leh pawi­mawh tam tak buatsaihna ber a nih thu sawiin, thawktute chu Assembly House zahawmna vawng nung zel turin a chah a ni. 

Inthan tharna hunah hian deputy speaker Lalrinawma, additional secretary H Lalrinawma leh MNF party hruaitu K Vanlalauva te pawhin thu an sawi.