Chapchar Kût rêl

Chapchar Kut Orga­nising Committee chu nimin khan an chairman Zoramthanga, chief minister hoin CMO conference hall-ah an ṭhukhawm a, kumina Chapchar Kût hman dan tur an ngaihtuah.

Chief Minister chuan, Chapchar Kût chu Mizo kûtpui a nih angin, zau leh lian thei ang bera hman zui zel ṭha a tih thu a sawi a; mawhphurhna chelhtute'n inpe taka an lo thawh tawh ṭhinna fakin, kumin atan pawh ṭhahnemngai taka thawhpuiah a sáwm.

Meeting-a an rel danin, Chapchar Kut hi February 28 leh March 1-ah Lammualah hman a ni dawn a, a ni khatnaah Art & Culture minister R Lalzirliana chu kût pa a ni ang a, a ni hnihnaah hian chief minister Zoram­thanga chu kût pa a ni ang.

Kût thupui atan 'Zo fate inpumkhatna' tih thlan a ni a, kum dang angin Chap­char Kut chhungin mipui zingah Mizo hnam ziaráng pho lang tam thei tur zawngin hnam thuam inbel uar tura inzirtir tur a ni. 

Chapchar Kût pualin painting exhibition, photo exhibition, flower show, food court leh handloom & handicraft exhibition buatsaih leh tum a ni bawk.