KHAWTHLIR

February 15, Inrinni khan Khatla East Branch KṬP chuan Aizawl Civil Hospital tan thisen unit 46 an pe a, a petute mipa 31 leh hmeichhia 15 an ni a; Model Veng Branch KṬP-in Synod Hospital tan thisen unit 23 an pe a, petute mipa 20 leh hmeichhia pathum an ni. Meisatla Branch KṬP pawhin an din champha pualin Saiha District Hospital tan thisen unit 14 an pe a, a petute mipa 12 leh hmeichhia pahnih an ni

Assembly speaker Lalrinliana Sailo chuan tun ṭum Assembly session-a speaker leh deputy speaker an remchan loh chánga rorel inkhawm kaihruaitu tur Panel of Chairman atan mi pali - INC member C Ngun­lianchunga, ZPM member C Lalsawivunga, MNF member L Thangmawia leh MNF member Lalrinsanga Ralte te ruat a nih thu a puang.

Zo Re-unification Organisation (ZORO) 

ṭhalai chuan nimin khan Central YMA Hall-ah 'Zo hnam inpumkhatna seminar' an buatsaih. Seminar hi ZORO ṭhalai vice president Zo-

hmingthanga Zote-in a kaihruai a, Prof. Jangkhongam Doungel, Mizoram University chu resource person a ni. ZORO president R Sangkawia chuan, "Zo hnam tungding turin ZORO-in a bei a, beih zel kan tum," a ti. ZORO ṭha­lai president L Ramdin­liana Renthlei-in thu a sawi bawk.

Sorkar laipuiin mipuite'n an chanvo tur dik tak an chan theihna tura ration sem dan thar a kalpui mekah nimin khan Lawngtlai BNRGSK Hall-ah Lawngtlai DCSO hnuaia retailer 107-te hnenah Electronic Point of Sales (ePoS) khawl hman dan zirtir an ni. ePoS hi Lawngtlai district-ah kumin March thla aṭanga hman tum a ni a, training-a tel retailer-te chu khawl pek nghal an ni.

Khatlaa Mizoram State Veterinary Council (MSVC) conference hall chu nimin khan AH&Vety minister Dr K Beichhua'n a hawng. Minister chuan, MSVC chakna chu AH&Vety department pumpui chakna a nih thu a sawi. MSVC hi kum 1986-ah din a ni a, registrar hoin office staff panga an awm. Conference hall hawn tâk chu cheng nuai 21 sénga sak a ni.