Award dawn lawmpui

Vanlalchhuangi, Kolasib AWC-XII, Diakkawn in anganwadi worker hnathawk ṭha chawimawin national award a dawn lawm­puina hun Social Welfare department chuan nimin khan Social Welfare minister Dr. K Beichhua pisa-ah an buatsaih. 

Dr. K Beichhua chuan mahni hna a tui, hlim taka thawk ṭhinte chu mi entawntlak an nih thu sawiin, "Ministry din tirh phata chawimawi tlak chawimawi tur kan nei hi Pathian malsawmna niin ka hria," a ti a, Pathian mit hmua lawm tlaka hna thawk ṭheuh turin department-a thawktute chu a chah.

Vanlalchhuangi hian award hi January 7, 2019 khan Delhi-ah a dawng a, award semnaah hian Woment & Child Development minister Maneka Gandhi pawh a tel.