Sorkarin School Education deptt.-a Contract-a thawkte hlawh a tipung

School Education depart­ment chuan January 10, Ningani khan Office Order a chhuah a, Finance department phalna angin School Education depart­ment hnuaia contract-a thawkte hlawh tihpun a nih thu a tarlang. 

School Education depart­ment hnuaia contract-a thawkte hlawh tihpun a nih theih nan hian Finance depart­ment chuan December 17, 2018 khan notification a lo chhuah tawh. School Edu­cation department-in office order a chhuah ve leha a lan danin, hlawh tihpunna hi hman ṭan hun (effective date) chu September 1, 2018 a ni.

Contract employee-te hian dearness allowance (D.A) an nei dawn lo a, con­tract employee-te hlawh tura ruahmanna thar hian Cen­trally sponsored scheme (CSS) hnuai thawkte a huam lo tih tarlan a ni bawk.