Naupang pawngsualtu Kum 7 táng turin hrem

Vawi eng emaw zat naupang khuaikhema pawngsuala puh ST Lalngamzova (32) s/o ST Hreunawna (L), Sihtlangpui, Lawngtlai district chu Lunglei District & Sessions Court chuan thiam loh chantirin, nimin khan thutlukna a puang a, kum sarih chhung táng tur leh Rs. 1,000 chawi turin a hrem.

Thu dawn danin, Lunglei District Court-a special judge (POCSO) Joel Joseph Denga judgement order-a a lan danin, ST Lalramzova hian August 2015 thla vel khan naupang kumtling lo pakhat chu vawi eng emaw zat khawihin, a pawngsual ṭhin a ni. Court chuan ST Lalramzova chu kum sarih chhung táng tur leh Rs. 1,000 chawi tura a tih bakah, pawisa chawi tur a pek loh chuan chawlhkar khat dang tàn belh turin a hrem a ni.