Vaivakawnah lei leh in khì vangin Chhungkaw 3 an inthiar chhuak

Vaivakawn veng chhung, Hunthar Veng leh Chanmari West veng panna kawngpui péngṭhuam velah lei khi a awm avangin chhungkaw pathum, Vaivakawn veng mi vekte chu November 13, Nilaini zan khan an inthiar chhuak.

Thu dawn danin, lei khi hi Hunthar Venga National Highway chhaka lei tawlh ṭhin kal zel vang nia hriat a ni a, lei khi avangin lei khîkna bul vela RCC (cement concrete) in ṭhenkhat chu a khi tel a ni. Bialtu AMC councillor Zonunsangi Fanai hnen aṭanga thu dawn danin, dinhmun hlauh­awm zuala ding RCC in pathuma chhungkaw pathumte chu Nilaini zan khan Vaivakawn YMA ruahmanna angin an inthiar chhuak a, YMA Hall-ah an invawm lut a ni.

Lei leh in khite chu Ni­laini zan khan Disaster Ma­nagement & Rehabilitation (DMR) department lam mite leh Aizawl DC office lama thuneitute'n an enfiah nghal a; a ṭul angin hma an la nghal. Nimin khan mithiam­te'n an enfiah leh bawk.