Adhoc aided M/A-te sorkarin a lak theih nan hmalak an rêl

Mizoram Adhoc Aided Middle School Teachers Association chuan nimin khan Durtlang Multipurpose Hall-ah General Conference an hmang a, adhoc aided middle school-te sorkarin a lak (provincialise) theih nan hmalak an rêl.

An thurel zingah, SSA aṭanga school building leh thil dang enkawlna tur an dawn ngai tawh loh avang­in, 'Special grant for the maintenance of adhoc aided M/S' siamsak turin sorkar nawr ni se, tih pawh a tel a; kum 2019-21 chhunga an pawl hruaitu tur an thlang bawk. An pawlah hian adhoc aided M/S 65 awmin, zirtirtu 390 vel an awm a ni.