Zirtirtu transfer & posting rules Pawm vangin MZP an lawm

MZP Gen. Hqrs. chuan thuchhuah siamin, Mizoram sorkara Cabinet meeting-in zirtirtu transfer & posting rules pawm a, budget session-a pharh tura an peih ta chu lawmawm an tih thu leh, a taka hman hun an nghahhlelh thu 

an tarlang.

Zirtirtu sawn kual kawngah dan mumal tak a awm theih nan hma an la tawh ṭhin tih sawiin MZP chuan, "Transfer & posting rules kan nei dawn ta hi a lawmawm hle. Dan mumal neih a nih theih nan chak taka hma latu Education Minister leh Education department-a thawktute leh tha leh zung sêngtu zawng zawngte chungah lawmthu kan sawi a ni," an ti.

MZP chuan, India rama civil chawimawina sang Padma Shri dawng tura Lalbiakthanga Pachuau leh C Kamlova te thlan an ni chu an lawmpui a, an chhuan thu an sawi a; Padma Vhibhushan dawng tura  MC Mary Kom thlan a ni pawh lawmawm an tih thu an tarlang bawk.