LSC lem leh felfai lo tam lutuk a manganthlak - Revenue Minister

Mizoram Survey and Land Record Ser­vice Association (MIS­LARSA) chuan nimin khan Land Revenue & Settlement directorate meeting hall-ah General Body Meeting and Training cum Workshop an hmang. An hun hman­puitu LRS minister Lalruatkima chuan, LSC lem leh felfai lo tam ta lutuk chu manganthlak a tih thu a sawi.

Minister Lalruatkima chuan, India rama state dangte enin, LRS department chu sum leh pai dinhmun siamtu, thawk chhuaktu leh sorkar khai dingtu a nih thu a sawi a; LRS department chu hna thawk nasa ber pawl department a nih thu sawiin, "Chhungkaw tin nghawng thei thil khawihtu department a ni a, fimkhur a ngai tak zet. Dan hrang hrang kaihhruaina hnuaia thawh a ngaih avangin rilru, taksa leh thlarau hrisel neih a ngai," a ti.

Lalruatkima chuan, LRS department-a surveyor-te indaih lohna a hriatpui thu sawiin, "Surveyor-te training-na tur Institution din tum a ni," a ti a; LRD department chu 'Chinfel ngai tam tak nei' tia mite'n an hria chu zahthlak a tih thu sawiin, surveyor-te chu belhchian dâwl taka thawk turin a chah.