Lei khi chungchangah sorkar dem

MPC party hruaitute chuan nimin khan Vaivakawn venga chenna in luah ngam loh khawpa lei khi chatin a tihchhiatsak chu a hmunah an enfiah. Hemi chung­changa MPC thuchhuah chuan, lei khi chat chu sorkarin a ngaihsak lo hle nia sawiin, Mizoram sorkar an dem thu a tarlang.

MPC chuan, vanduaina tawk chhungkuate sawi danin, kumin March thla vela SIPMIU-in pipe phûmna tur lei an laih laiin, an chenna in vènthàwnpui tura an ngennain ngaih pawimawh a hlawh tâwk lo niin an sawi a, "A hnua an inin harsatna a tawh tâk chungchang SIPMIU thuneitute hnena an thlen pawhin bengkhawn a hlawh loh avanga an rilru nat thu an sawi a, thuneitute hnena harsatna tâwk chhungkuate manganna thu thlenin ngaihsak a hlawh lo hi kan dem hle a ni," an ti.