Mizoram Science Congress sawiho

Mizorama Science lama intawh­khawmna lian ber, Mizoram Science Congress chu kum 2020-ah neih leh tum a ni a, chumi atana Organising Committee-te chu nimin khan a vawi khatnan Science & Technology confe­rence hall-ah an ṭhukhawm.

Meeting kaihruaitu Science & Technology-a chief scientific officer Dr RK Lallianthanga, Science Congress Organising Committee chairman ni bawk chuan, Mizoram Science Congress chu kum 2016-ah Mizoram University-ah leh kum 2018-ah Pachhunga University College-ah hlawhtling takin buatsaih a nih tawh thu a sawi.

Mizoram Science Congress 2020 hi Pachhunga University College-ah buatsaih tum a ni a, a hun atan October 15-16, 2020 tinzâwn a ni. Thupui atan 'Science as a soul of prosperity and sustenance' tih an thlang tawh.