PRRS vei vawk 14 tihhlum a ni

Myanmar aṭanga dan loa tun hnaia Lungleia vawk puitling lak luh 14-te chu Porcine Reproductive and Respiratory Syndrome (PRRS) an vei avangin February 15, 2020 khan kah hlum a ni.

Thu dawn danin, vawk kah hlumte chu Myanmar ram aṭanga dan kalha lak luh a ni a, Lunglei Pûkpui dáia dah a ni. Pukpuia Vawkpui Vulh Association-te'n PRRS vei nia an rinhlelh avangin thuneitute hnenah an thlen a, Lungleia AH&Vety thawktute'n vawk thisente laa an endik hnuah PRRS an vei tih finfiah a ni.

PRRS natna an vei ngei tih finfiah a nih hnuah Lunglei Magistrate thupekin AH&Vety deparment-a thawktute puihnain police-te kah hlumtir a ni. Kah hlum hnuah phûm nghal a ni a, PRRS a darh loh nan AH&Vety department-a thawkte chuan chinai an phul bawk. 

Myanmar aṭanga vawk la luttu chu police-in an man a, Lunglei District Jail-ah dah nghal a ni.