SA Territorial Council a ṭiak

Salvation Army India Eastern Ter­ri­tory-a rorelna sang ber Territorial Council chu November 15, Zirtawpni aṭang­in Bethlehem Corps Central South Division-ah neih a ni a, nimin khan a ṭiak.

November 15 khan nilêngin rorel a ni a, chief secretary Lt.Col. Simon SP leh Women’s Ministries secretary Lt. Col. Annamma Simon-in kaihruaiin, territorial commander Commissioner Lalzamlova'n Salvation Army Territorial headquarters department hrang hrang hnathawh leh hmalakna hrang hrangte a sawi.

Council-ah hian division/district aṭanga agenda leh Territorial headquarters agenda-te ngaihtuah a ni a; an thu ngaihtuah zingah CO bial thar panga hawn thar tur te, CO bial sîksawi chungchangte a tel. November 16, Inrinni khan rorel chhunzawm a ni a, kum 2020-2021 chhunga budget leh Territorial Five Year Plan-te sawiho a ni.