Durtlang - Kawnpui inkara lirthei tlân dan tur ruahman

Nimin aṭang khan Project Pushpak (BRTF) chuan Kawnpui-Sihphir-Durtlang-Aizawl inkar kawng siamṭhat hna an thawk a; kawng siam hna a bahlah loh nan leh tluang taka hna thawh a nih theih nan, he kawnga lirthei tlân dan turah Aizawl SP C Lalzahngoa chuan ruahmanna a siam.

November 17-30, 2019 chhungin Kawnpui-Sihphir-Durtlang-Aizawl inkar kawngah lirthei, maxicab aia lian tlân phal a ni dawn lo a, maxicab aia lian lirtheite chu Sairang lam NH-54 kawngpuiah tlan tur a ni. Thupek hian chhiatrupna thil, kângmei leh rîkrum kaihhnawiha duty leh dan leh thupek kengkawhtute a huam lo.